ЕГУ запрашае на Алімпіяду па беларусістыцы
15.02.2017 Архив (2017г.)
З нагоды 500-годдзя беларускага кнігадрукавання Акадэмічны дэпартамент гісторыі Еўрапейскага гуманітарнага ўніверсітэта (ЕГУ) і бакалаўрская праграма “Культурная спадчына і турызм” запрашае старшакласнікаў (вучняў 11 класаў) да ўдзелу ў Алімпіядзе па беларусістыцы з мэтай выявіць адораных прэтэндэнтаў на навучанне з прадстаўленнем магчымасці паступаць у ЕГУ на асаблівых умовах.
Алімпіяда па беларусістыцы будзе складацца з двух этапаў:
I. Адборачны (дыстанцыйны) этап (з 20 лютага па 2 сакавіка 2017 г.)
Мэта гэтага этапу — адабраць удзельнікаў, якія пройдуць у наступны этап. Каб прыняць удзел у першым этапе алімпіяды, трэба адправіць заяўку і адказаць на пытанні ў спецыяльнай адукацыйнай прасторы абітурыентаў ЕГУ.
II. Фінальны этап
Пераможцы адборачнага этапу прымуць удзел у віктарыне з пытаннямі ад выкладчыкаў Акадэмічнага дэпартамента гісторыі ЕГУ, якая адбудзецца 5 сакавіка 2017 г. а 12 гадзіне ў адукацыйным цэнтры “Прапілеі” ў Мінску (вул. Чэхава, 3).
Па выніках адказаў будуць выяўлены 3 пераможцы, якія паедуць ў Вільню ў пачатку траўня 2017 г.
Універсітэт аплочвае:
- візавую падтрымку;
- пражыванне ў гатэлі ў Вільні (2 дні);
- транспартныя выдаткі ў разліку да 30 еўра на асобу.
Астатнія ўдзельнікі атрымаюць суцяшальныя прызы ад Еўрапейскага гуманітарнага ўніверсітэта і Дэпартамента гісторыі ЕГУ.
Акрамя таго, Алімпіяда па беларусістыцы з’яўляецца адным з этапаў Інтэлектуальнага марафону ЕГУ.
Пераможцы конкурсу атрымоўваюць дадатковыя балы да рэйтынга абітурыента пры паступленні на бакалаўрскія праграмы ЕГУ:
- Першае месца – 0.3 бала
- Другое месца – 0.2 бала
- Трэцяе месца – 0.1 бала
Універсітэт ладзіць кансультацыі абітурыентаў бакалаўрскіх праграм ды ўдзельнікаў Алімпіяды па беларусістыцы:
- па адрасе: recruitment @ ehu.lt
- праз Skype: QuestionEHU